මව පියා අතහැර යෑම නිසා මිත්තණිය විසින් හදාවඩා ගැනීමට ලබාදුන් වයස අවුරුදු තුනහමාරක දැරියකට ආහාරපාන ලබා නොදී මාස ගණනාවක් තිස්සේ අමානුෂික අන්දමින් පහරදී සිරුරේ විවිධ ස්ථාන ගින්දරින් පුලුස්සා වදහිංසාවන්ට ලක් කර ගසක මුලෙහි හිස හප්පා ඝාතනය කිරීමේ චෝදනාවට අනුරාධපුර
මහාධිකරණය හමුවේ අධි චෝදනා ලැබ සිටි එක්දරු පියකු එකී චෝදනාවට වරදකරු බවට නිගමනය කළ උතුරු මැද පළාත් බද මහාධිකරණ විනිසුරු මහේෂ් වීරමන් මහතා ඔහුට මරණ දඬුවම නියම කළේය.
එසේ මරණ දඬුවම නියම වූයේ සම්පත්ගම සුදර්ශනගම හූරිගස්වැව ලිපිනයේ පදිංචිව සිටින ඉඟුරුවත්ත ගෙදර සේනාරත්න රණතුංග නොහොත් ගාමිණී නමැති විත්තිකරුටයි. විත්තිකරු විසින් වර්ෂ 2005 ජුනි මස 21 වැනි දින හෝ ඊට ආසන්න දිනකදී ඉහත ලිපිනයේ පදිංචිව සිටි සඳුනිකා උපේකා ලක්මාලි නමැති මාස 38ක දැරිය ඝාතනය කළ බවට ලංකා දණ්ඩ නීති සංග්රහයේ 296 වැනි වගන්තිය
යටතේ දඬුවම් ලැබිය හැකි වරදක් සිදු කර ඇති බව කියමින් නීතිපතිවරයා විසින් අනුරාධපුර මහාධිකරණය හමුවේ අධි චෝදනා ගොනු කර තිබිණි.
Subscribe to:
Post Comments (Atom)
No comments:
Post a Comment